ماعت جروب | انتقد الإعلامي مصطفى بكري، ارتفاع أسعار السلع الأساسية، مطالبًا الحكومة بمواجهة تلك الزيادة “بكل قوة ويد ثقيلة”.
وأشار بكري خلال برنامجه “حقائق وأسرار”، المذاع على قناة “صدى البلد”، مساء الخميس، إلى إن أسعار الأرز شهدت ارتفاعًا بنسبة 12% ليصل سعر الكيلو إلى 34 جنيها، ما اعتبره غير مبرر، مستنكرًا تصرفات التجار.
وقال: “بنطلب من الدولة مواجهة غلاء الأسعار بكل قوة، النهارده أروح أشتري كيلو الأرز بحوالي 32 أو 34 جنيها، بأي منطق؟.. الأرز ارتفع 12%، ليه بتعملوا كده؟ ليه التجار دي بتعمل وتستغل كده؟”
وتابع بكري: “إحنا فعلا محتاجين ليد ثقيلة وقوة تلم الهيصة اللي موجودة دي، أي حد بقى بيرفع الأسعار براحته، أي حد يعمل أي حاجة براحته، لأ، ما تسيبوش الدولة تفك، وكل واحد يشتغل بمزاجه ويغلي السعر بمزاجه؛ ما ينفعش”.
في سياق متصل، ارتفعت أسعار الأرز في الأسواق المحلية بنسبة 12% خلال الأسبوع الجاري، ليتراوح سعر الكيلو للمستهلك ما بين 30-34 جنيها، حيث أوضح رجب شحاتة، رئيس شعبة الأرز، أن زيادة الطلب على السلعة استعدادًا لشهر رمضان ساهمت في هذا الارتفاع.
